Инсајдерот Ice Universe објави рендери за, како што тврди, претстојниот телефон Samsung Galaxy S25 Ultra.

Овој инсајдер, кој е познат по тоа што најчесто споделува точни информации на социјалните мрежи, објави и споредба на рендерот со оној што треба да го претставува iPhone 16 Pro Max.

Судејќи според рендерот објавен од Ice Universe, S25 Ultra би можел да претрпи редизајн во споредба со претходните модели, па рабовите би можеле да бидат заоблени наместо остри.

Исто така, овој рендер го прикажува S Pen, како и специјална футрола за овој додаток. Секако, треба да се почекаат официјални информации, бидејќи додека нема информации се е на ниво на шпекулации.

Сепак, корисниците реагираа многу позитивно на рендерите објавени од Ice Universe – некои дури одат дотаму што велат дека станува збор за „убиец на iPhone“.