Изгледа дека YouTube почнува да испорачува нова функција и сака корисниците да ја испробаат.

Тоа е функцијата Community Notes, а скриншотови од YouTube кои официјално ги покануваат корисниците да се приклучат на пилот програмата, се појавуваат низ социјалните мрежи.

YouTube првпат ги најави Community Notes во јуни – функција која им овозможува на корисниците да испраќаат кратки фотографии за да обезбедат дополнителен контекст или точни информации за одредена видео содржина.

Сè уште не е одреден точен датум кога ова ќе стане достапно за сите, но YouTube додаде дел за функцијата во делот „Help“.

Пилот-програмата моментално е достапна само на англиски јазик за мобилни уреди во САД, а компанијата претходно соопшти дека ќе ги покани учесниците преку е-пошта или преку нивната сметка на Creator Studios.

Избрана група на корисници ќе обезбеди повратни информации за да и помогне на платформата да одреди дали белешките се „корисни“, „донекаде корисни“ или „некорисни“, пред функцијата да стане глобална, според официјалниот блог на YouTube.