Ако биткоинот беше држава, ќе трошеше повеќе електрична енергија годишно од Финска, Швајцарија или Аргентина, според анализата на Центарот за алтернативно финансирање при Универзитетот во Кембриџ (CCAF). Ова е затоа што процесот на „извлекување“ на криптовалутата со помош на гигантски сервери кои не престануваат да работат троши многу енергија.

Според истражувачите, рударењето биткоини користи рекордни121,36 терават-часови (TWh) електрична енергија годишно, што има силно влијание врз животната средина и го надминува долгиот список на земји во потрошувачката на енергија.

Ова прашање се врати за дебата откако Елон Маск, преку неговата компанија за електрични автомобили Тесла, најави купување на 1,5 милијарди долари во биткоин, зголемувајќи ја цената на валутата и предизвикувајќи критики за загадувањето што го генерира.

Овој неодамнешен пораст на цената на биткоинот, кој бележи тренд на пораст во последните месеци, им даде нови стимулации на валутните „рудари“ да работат со се повеќе компјутери за да генерираат повеќе криптовалути. Како што се зголемува цената на биткоините, потрошувачката на електрична енергија се зголемува, вели Мишел Раухс, истражувач во CCAF, каде што е создадена онлајн алатка што дозволува да се прават овие типови на пресметки.

– Според дизајнот, биткоинот навистина троши толку многу електрична енергија, изјави Раухс за Би-Би-Си. – Ова не е нешто што ќе се промени во иднина, освен ако цената на биткоините значително не падне.

Истражувачите работат со индексот на потрошувачка на електрична енергија во Кембриџ (ЦБЕЦИ), кој обезбедува проценки во реално време за тоа колку енергија генерира производство на валутата.

Овој индекс функционира врз основа на модел кој претпоставува дека машините што се користат за рударење во светот работат со различни нивоа на ефикасност.

Следејќи ја врската помеѓу просечната цена на електрична енергија за киловат час (0,05 американски долари) и енергетските потреби на биткоин мрежата, алатката проценува колку електрична енергија се троши во секој момент.

„Биткоинот е неефикасен“, рече Дејвид Џерард, автор на книгата „Напад на блокчејн од 50 стапки“.

– Многу е лошо што целата оваа енергија буквално се губи на лотарија, вели тој.

Зошто биткоинот троши толку многу електрична енергија?

Машините наменети за „рударење“ или извлекување биткоини се специјализирани компјутери кои се поврзуваат со мрежата на криптовалутата.

Нивната работа е да ги проверат трансакциите направени од луѓето што ја испраќаат или примаат валутата во процес што вклучува решавање на комплексни математички загатки.

Како награда, „рударите“ повремено добиваат мали количини биткоин во процес што често се споредува со лотарија.

За да се зголеми профитот, рударите поврзуваат голем број компјутери за да ги зголемат шансите да добијат биткоин.

И бидејќи компјутерите работат скоро ден и ноќ за да завршат задачите, потрошувачката на енергија е многу голема.

Потрошувачка на електрична енергија во однос на јаглеродниот отпечаток

Постои голема разлика помеѓу потрошувачката на енергија и јаглеродниот отпечаток, вели Ник Картер, основач на фирмата за ризичен капитал Castle Island Ventures, специјализирана за блокчејн секторот.

„Ако ја разгледуваме само потрошувачката на енергија, не ја раскажуваме целата приказна“, изјави тој за Би-Би-Си Мундо.

Иако е вистина дека најголемиот дел од електричната енергија се произведува од фосилни горива како јаглен, нафта или гас, кои се големи загадувачи, се користат и обновливи енергии како хидроелектрична и ветерна или нуклеарна енергија.

Значи, иако нивото на потрошувачка на електрична енергија е важно, треба да размислите и за тоа како се генерира таа електрична енергија, вели Картер.

На пример, забележува тој, во Кина има „рудари“ кои ја искористуваат вишокот хидроелектрична енергија во браните. Ако не го искористат, оваа енергија едноставно ќе се изгуби.

Ова објаснува зошто „рударењето“ биткоини се прошири толку многу во провинциите Сечуан и Јунан.

Во други случаи, некои „рудари“ земаат искористен или изгорен метан, кој е нус-производ на производството на нафта, и го користат за производство на електрична енергија потребна за нивните компјутери.

Многу активисти сметаат дека овие примери се специфични случаи кои не ја отстрануваат еколошката одговорност од биткоин индустријата.

Сепак, Картер предупредува дека рударењето биткоини ќе заврши за неколку години, бидејќи системот е дизајниран на таков начин што математичките загатки што ги решаваат компјутерите ќе завршат.

– Овој процес е 88 отсто завршен, рече тој, што во пракса значи дека станува сè потешко да се продолжи со производството.

Сепак, бидејќи цените продолжуваат нагло да растат, веројатно ќе се зголеми и потрошувачката на енергија.