Некогаш советска република, денес една од технолошки најразвиените земји

Една мала балтичка земја успеа да направи фасцинантен исчекор од поранешна советска република до една од дигитално најразвиените земји во светот. Станува збор за Естонија.

Добивај вести на вибер

Новинарката на „Fortune-a“, Вивиен Волт, неодмна го посетила Талин, главниот град на Естонија, со цел од прва рака да го провери технолошкиот бум во таа земја.

„Малата земја, која се наоѓа меѓу Литванија и Русија е вистински пример за брзата експанзија на дигиталниот живот“, напишала во своите впечатоци Вивиен.

Во Естонија, електронските потписи имаат иста тежина како своерачно напишаните. Ова значи дека државата е во можност да ја елиминира потребата од голем број документи испишани на хартија.

Сите граѓани плаќаат данок на интернет и имаат дигитални лични карти, а здравствените картони се чуваат во една вмрежана дигитална база.

Естонија на странците дури им нуди и дигитален престој, доколку тие се заинтересирани да започнат бизнис во земјата.

Во продолжение, погледнете го и видеото каде се објаснува ваквиот напредок.