Претходно овој месец Microsoft потврди дека во текот на ноември ќе ја објави Xbox Series X конзолата. Сега се појавија и информации за тоа колку би можела да чини конзолата. Благодарение на изворот од малопродажниот синџир, се сугерира дека Xbox Series X би можел да се продава по цена од 599 долари,

Гласините за цената на конзолата се појавуваат уште од нејзината најава, а воглавно се нагаѓаше дека ќе чини меѓу 499 и 599 долари. Сега, благодарение на изворот, кој зборуваше за Kinda Funny XCast, се сугерира дека цената на конзолата од следната генерација на Microsoft ќе биде речиси 600 долари.

Како доказ е приложен малопродажниот листинг за Xbox Series X, со ноемвриската објава и споменатата цена од 599 долари. Microsoft се уште не ја потврди оваа цена, но со оглед на хардверот во претсојната конзола, информациите за цената би можеле да бидат точни.

Microsoft во подготовка има и поевтин модел – Xbox Series S, но се уште не се знае колкава ќе биде цената на оваа конзола. Се очекува Microsoft повеќе детали за Xbox Series S конзолата да објави во текот на следните неколку недели.