Xbox конечно им нуди на играчите своја верзија на „платинаст статус“.
Новото достигнување воведено од Xbox се нарекува „Mythic Achievement“ (митско достигнување); тоа ќе им се доделува на играчите кои ќе ги отклучат сите достигнувања во некоја игра и целосно ќе ја завршат.
„Mythic Achievement“ се одликува со посебна икона која изгледа по„елитно“ од стандардниот трофеј за достигнување, овозможувајќи им на играчите да се пофалат со неа како доказ дека постигнале сè што е можно во одредени игри, пренесува HCL.
Првата нова игра што ќе го вклучува „Mythic Achievement“ ќе биде претстојната Gears of War: E-Day. Сепак, Xbox планира ретроактивно да го додаде ова достигнување и во постари наслови, вклучувајќи ги и игрите за Xbox 360.
Во моментов, „Mythic Achievement“ е достапно за членовите на програмата Xbox Insider, но наскоро ќе биде овозможено за сите што играат на Xbox (вклучувајќи ги и играчите на компјутер кои ја користат апликацијата Xbox).