Популарната платформа сака да го намали бројот на сметки што не се автентични, како и бројот на ботови.
Платформата X (порано Twitter) објави дека воведува нова функција наречена „За оваа сметка“ (About this account), која ќе прикажува информации за корисничките профили, вклучувајќи ја земјата во која се наоѓаат, бројот на промени на корисничкото име, датумот кога првпат пристапиле до платформата и како ја преземале апликацијата.
Функцијата има за цел да го намали бројот на неавтентични сметки и ботови на X кои се претставуваат како луѓе, објавува Tech Crunch.
На пример, ако корисник тврди дека е од Соединетите Американски Држави, но информациите покажуваат дека сметката се наоѓа во друга земја, другите корисници имаат добра причина да се сомневаат во нивните вистински намери.
Никита Бир, главен директор за производи во X, го нарече глобалното воведување на функцијата „важен прв чекор кон обезбедување на интегритетот на глобалниот пазар“.
Некои корисници веќе се пожалија дека нивната локација, како што е пријавена од X, е неточна, а Бир ги призна проблемите и рече дека тие ќе бидат решени до вторник.