Huawei MateBook 16 (2022) е претставен во Кина претходно оваа недела. Лаптопот е ажуриирана верзија на Huawei MateBook 16, кој е лансиран во Кина во мај 2021. година, а сега пристигнува со оперативниот систем Windows 11. Huawei MateBook 16 има исти спецификации како и моделот објавен минатата година, кој вклучува AMD процесор, 16 GB RAM и 16-инчен екран. За разлика од претходникот, овој лаптопо доаѓа со пониска цена. Huawei дури треба да објави било какви планови кога новиот MateBook 16 модел со Windows 11 ќе пристигне и на глобалните пазари, вклучувајќи ја и Европа.
Цената на Huawei MateBook 16 (2022) во Кина почнува од приближно 833 евра за моделот со AMD Ryzen 5 5600H процесор, додека моделот со AMD Ryzen 7 5800H чини приближно 905 евра. Лаптопите се достапни во Haoyue Silver и Deep Space Grey опции на бои и наведени се за купување на JD.com.
Минатата година, компанијата го лансираше Huawei MateBook 16 во неговата основна верзија со Windows 10, по почетна цена од околу 905 евра во Кина.
Новиот Huawei MateBook 16 работи на Windows 11 и има 16-инчен 2,5K (2.520 x 1.680 пиксели) IPS екран со густина на пиксели од 189ppi и 300 нита максимална осветленост. Лаптопот има сооднос меѓу екранот и телото од 90 проценти, а екранот нуди агол на гледање од 178 степени. Huawei MateBook 16 (2022) го покренуваат AMD Ryzen 7 5800H или AMD Ryzen 5 5600H процесори, заедно со AMD Radeon графика и 16GB RAM.
MateBook 16 е опремен со SSD од 512 GB. Доаѓа со веб-камера од 720p HD, два звучника и два микрофони. Опциите за поврзување на лаптопот вклучуваат Wi-Fi 6, Bluetooth v5.1, два USB Type-C приклучока, два USB Type-A порта, HDMI влез и 3,5mm аудио приклучок. Huawei MateBook 16 има батерија од 84 Wh и поседува тастатура со позадинско осветлување со целосна големина, заедно со сензор за отпечатоци на копчето за вклучување. Лаптопот има димензии 351 x 254,9 x 17,8 мм и тежи околу 1,99 кг.