Холандските корисници на Телеграм во групи на мрежата можат да ангажираат некого да активира експлозиви на влезната врата или да пука во фасадата на нечија куќа или деловен простор за само 1.000 евра.
Оваа информација ја објави холандската БНР, откако новинарите се инфилтрирале во една таква група која е активна веќе пет години.
Емитувачот контактирал пет лица кои ги рекламирале своите услуги во јавната група на Телеграм „Plofkrakers en Ramkrakers“, од кои четворица биле спремни да постават експлозиви на непозната адреса за одредена цена.
Двајца рекле дека го правеле тоа и претходно, а новинарите договориле состанок со еден, кој се појавил на време подготвен да ја заврши работата, поставувајќи само „практични прашања“ како што е кој ќе ги обезбеди експлозивите и ќе организира транспорт.
Експлозивните напади се растечки проблем во Холандија, со повеќе од 1.500 вакви напади насочени кон домови и бизниси минатата година, објави NL Times.
Полицијата одби да коментира за наодите на БНР, велејќи дека Телеграм почнал да зазема построг став кон онлајн криминалот по апсењето на сопственикот на компанијата, Павел Дуров, минатата година.
Портпаролот на Телеграм изјави дека нудењето криминални услуги на платформата е забрането и дека Телеграм ја отстранува таквата содржина штом ќе ја открие, додека негираше дека мрежата ги игнорирала барањата на полицијата за спроведување на законот.
„Многу агенции ги игнорираа законските барања „комуникациски канали пропишани со европското право, што значеше дека нивните барања не беа примени. Единственото нешто што се промени во август беше тоа што луѓето одеднаш знаеја како да ги пронајдат вистинските канали“, рече портпаролот.