Американската технолошка компанија Apple ќе се обврзе на дополнителни инвестиции од 100 милијарди долари во производство во Соединетите Американски Држави.
Се очекува претседателот Доналд Трамп да го објави ова подоцна во текот на денот, изјави извор од Белата куќа за Ројтерс.
Apple во февруари соопшти дека планира да инвестира 500 милијарди долари во американската економија во следните четири години, вклучително и изградба на фабрика во Хјустон.
Со новата рунда инвестиции, вкупната вредност на планираните инвестиции се зголемува на 600 милијарди долари.
Новиот план предвидува враќање на дел од синџирот на снабдување на Apple во САД и започнување на домашно производство на одредени клучни компоненти.
Економскиот советник на Белата куќа, Кевин Хесет, потврди во интервју за Fox Business Network дека се очекува значајно соопштение за инвестиции од Apple.