Француската фирма за развој на вештачка интелигенција Mistral воведе два модели за резонирање на Magistral, приклучувајќи се кон глобалната конкуренција со компании како Open AI и Google.
Magistral доаѓа во две варијанти: „Magistral Small“ со 24 милијарди параметри, кој е достапен за преземање на платформата Hagging Face, и помоќниот „Magistral Medium“, кој моментално е достапен во прелиминарна верзија на четботот на Mistral, Le Chat.
Моделите се обучени да решаваат проблеми чекор по чекор, со фокус на области како што се математика, физика и логичко расудување, објавува Tech Crunch.
„Magistral е адаптиран за бројни деловни апликации, од структурирани пресметки и програмска логика, до донесување одлуки преку правила на одлуки“, се наведува во официјалното соопштение.
Тестовите објавени од самата компанија Mistral покажуваат дека Magistral Medium заостанува зад новите модели на Google и Anthropic, особено во тестовите во областите на науката, математиката и програмирањето.
Сепак, фирмата истакнува дека Magistral наводно испорачува одговори десет пати побрзо од конкурентите на платформата Le Chat, со поддршка за широк спектар на јазици, вклучувајќи италијански, арапски, руски и поедноставен кинески.