Samsung наводно веќе некое време планира Ultra варијанта за својата Fold серија, а сега го имаме првиот официјален тизер за Fold7 Ultra.

Уредот ќе биде претставен подоцна оваа година, заедно со стандардниот Z Fold7 и телефоните на преклопување Z Flip7 и Z Flip7 FE. Се шпекулира дека новите телефони на преклопување на Samsung ќе бидат претставени на настан во живо во Њујорк на почетокот на јули.

Тизерот за Z Fold7 Ultra покажува тенок профил. Сè уште не знаеме колку е тенок, но сигурно ќе биде потенок од сегашниот Z Fold6, кој е дебел 5,6 мм кога е расклопен, и Z Fold Special Edition, кој е дебел 4,9 мм, објави GSM Arena.

Подеднакво возбудливо е ветувањето на Samsung дека Ultra ќе има најдобра камера во својата класа, што не е мала работа, со оглед на одличната камера на Vivo X Fold3 Pro.

Z Fold Ultra не е сосема неочекуван. Требаше да се лансира минатата година со генерацијата Z Fold6, но тоа не се случи.

Самсунг потоа го најави Z Fold Special Edition во Јужна Кореја, познат и како Samsung W25 во Кина, кон крајот на октомври, со поголем 8-инчен главен и 6,5-инчен надворешен екран, главна камера од 200MP и 16GB RAM меморија, сето тоа во потенко (4,9 mm кога е расклопено) и полесно пакување.