Кинескиот гигант Xiaomi го претстави својот најнов премиум телефон – Xiaomi 15S Pro – заедно со премиум чипсетот Xring O1.

Иако Xiaomi 15S Pro е речиси идентичен со моделот Xiaomi 15 Pro, чипот Xring O1 што го напојува претставува големо достигнување за кинеската компанија.

Создаден и дизајниран од Xiaomi, чипсетот е произведен на процесорот N3E 3nm од втората генерација на TSMC. Xring O1 има 10-јадрен CPU со две Cortex-X925 главни јадра и работен такт од 3,9 GHz, како и шест Cortex-A725 јадра за перформанси (измеѓу 1,9 i 3,4 GHz), како и два Cortex-A520 ефикасни јадра со такт од 1,8 GHz.

Процесорот е придружен од 16-јадрен ARM Immortalis-G925 графички процесор, како и 6-јадрен NPU со 44 ТОПС процесорска моќ.

Xiaomi откри дека премиум чипсетот на компанијата постигнал три милиони поени на платформата за бенчмаркинг AnTuTu, надминувајќи го Snapdragon 8 Elite. Xring O1, исто така, постигнал над 3.000 поени за еднојадрен процесор и 9.000 поени за повеќејадрен процесор во Geekbench 6, надминувајќи го Apple A18 Pro.

Xring O1 поддржува најнова LPDDR5T RAM меморија, UFS 4.1 складирање, USB 3.2 Gen2 конекција, Wi-Fi 7 и прилагоден 3-јадрен Xiaomi ISP процесор.

Освен чипсетот, останатите спецификации на Xiaomi 15S Pro се идентични со оние на Xiaomi 15 Pro. Тие вклучуваат 6,73-инчен LTPO AMOLED (QHD+ 120Hz) дисплеј, три камери од 50MP (ултраширока, широка и 5x перископска) и силициум-јаглеродна батерија од 6.100mAh со поддршка за полнење од 90W.

Xiaomi 15S Pro работи на Xiaomi HyperOS 2, базиран на Android 15, и е достапен во црна и сина боја. Телефонот се продава во Кина по цена од околу 765 долари за моделот од 16/512GB, или околу 830 долари за моделот од 1TB. Моментално нема информации за меѓународната достапност на телефонот.