Иако мајката на 14-годишникот ги следела сите негови уреди за да го заштити од порнографија, тој сепак нашол начин да пристапи до содржината.

Минатото лето, тинејџер од Канзас пронашол стар лаптоп во плакарот на неговата мајка, кој не бил користен некое време, но сè уште бил функционален. Додека неговата мајка не била во близина, 14-годишникот ја искористил ситуацијата и го користел компјутерот за прелистување на интернет, како и за пристап до порнографски страници.

Откритието дека нејзиниот син пристапил до порнографска содржина ја шокирало неговата мајка, која многу се трудела да не го изложува на голотија, односно сексуални фотографии и видеа. Имено, таа верува дека изложеноста на таква содржина е многу штетна за некој што штотуку влегол во тинејџерските години и е во важна фаза од својот живот. Таа постојано ги следела сите негови уреди и се обидувала да не дојде во контакт со порнографска содржина, па затоа не е тешко да се замисли колку непријатно била изненадена кога сфатила дека тинејџерот пронашол начин да ја задоволи својата љубопитност.

Тешка траума
Поради фактот дека нејзиниот син гледал таква содржина, таа одлучила да ги тужи порнографските веб-страници на кои пристапувал 14-годишникот. Имено, Канзас е една од државите во кои страниците со содржина за возрасни можат да ја потврдат возраста на луѓето што пристапуваат до нив. Поточно, ако некоја страница содржи повеќе од 25 проценти содржина што е штетна за малолетници, што вклучува голотија и сексуална содржина, тие страници мора да имаат и некаков метод на верификација.

Доколку тие сајтови користеле таков метод, нејзиниот син немаше да може да пристапи до нив. Затоа, нејзините адвокати поднесоа тужба во нејзино име, како и во име на нејзиниот син, против Chaturbate, Jerkmate, Titan Websites и Techpump Solutions, која е позната и како Superporn.com. Иако една од тие сајтови навистина користи механизам за верификација на возраста, во тужбата се тврди дека механизмот на Chaturbate е толку лесно манипулиран што во суштина не ја исполнува својата цел.

Последиците по здравјето на момчето, барем според тужбата, се доста сериозни и можеме само да се прашуваме до каква содржина пристапувал. Имено, поради гледањето порнографска содржина, момчето претрпело не само болка и страдање, туку и инвалидитет, обезличување, психолошки повреди и губење на уживањето и задоволството во животот. Од обвинетите се бара да ги покријат трошоците за мината и идна медицинска нега и лекување на овие трауми.