Google работи на интересна интеграција на услугата Messages со WhatsApp.
Неодамна, најновиот АПК код за апликацијата Google Messages откри дека услугата се интегрира со WhatsApp, што ќе овозможи видео повиците на WhatsApp да се вршат директно од Messages.
Ако вие и лицето со кое разговарате во Messages имате WhatsApp, ќе видите нова опција во горното десно мени. Тоа ќе биде икона за видео, а со кликнување на неа ќе се прикаже описот на WhatsApp Video Call.
Со директно допирање на оваа опција започнува видео повик во WhatsApp – Ова во моментов е достапно само за разговори еден на еден. За групни разговори, опцијата за видеоповици во Messages стандардно ќе биде Google Meet опцијата.
Засега не е познато кога гореспоменатата функција ќе стане достапна за сите корисници, но јасно е дека е во активен развој и можеби ќе ја добиеме во следните неколку недели.