OpenAI дебитираше на Super Bowl со реклама од 60 секунди, која ја позиционира вештачката интелигенција заедно со најголемите иновации на човештвото.
Рекламата ја следи технолошката еволуција на човештвото преку интересен и креативен стил на анимација – од раните алатки како оган и тркалото, до модерни откритија како ДНК и истражување на вселената.
Сето тоа кулминира со модерните апликации на вештачката интелигенција, покажувајќи како ChatGPT управува со секојдневните задачи.
Прикажување на оваа реклама во текот на првата половина на Super Bowl чинеше околу 14 милиони долари.
Рекламата намерно избегнува да ги спомене термините AGI и суперинтелигенција, кои се сржта на мисијата на OpenAI. Наместо тоа, фокусот е на практичните примени на вештачката интелигенција.
„Сакаме пораката да се чувствува релевантна за публиката која го гледа Super Bowl, кој привлекува десетици милиони луѓе кои не се запознаени со вештачката интелигенција“, рече Кејт Рауч, новиот главен маркетинг директор на OpenAI.
Реклама за OpenAI дебитираше на Супер Боул во услови на растечка јавна дебата за општественото влијание на вештачката интелигенција. На прашањето за потенцијалните критики за споредување на вештачката интелигенција со најголемите човечки иновации како оган и тркало, Рауч беше директен: „Ние фундаментално веруваме во трансформативната моќ на оваа технологија. Тоа е суштината на сè што правиме“.