Apple треба да го претстави својот нов iPhone SE во март, а сега го имаме првиот увид што да очекуваме.

Дојавувачот Сони Диксон објави тест модели на новиот iPhone на платформата X, а во минатото тоа се покажа како прилично блиску до она што Apple на крајот го објавува како готов производ.

На новите фотографии се наоѓа уред за кој се верува дека ќе биде претстојниот iPhone SE 4, и тие ни даваат увид во клучните карактеристики на телефонот.

За почеток, се очекуваат две бои – црна и бела. Актуелниот iPhone SE доаѓа во две слични бои (Midnight и Starlight), со додавање на опцијата (PRODUCT) RED.

Друг детал е големата испакнатина на камерата. Иако новиот SE 4 ќе има само една камера на задната страна, таа ќе биде многу поголема од онаа на актуелниот SE модел. Причината е што главната камера на новиот SE телефон ќе биде истата што ја користи iPhone 15, а можеби дури и iPhone 16.

Конечно, страничната снимка на уредот покажува алуминиумска рамка со врвен изглед.

Претходно овој месец, друг дојавувач тврдеше дека новиот iPhone Se всушност ќе се вика iPhone 16E.

Ова брендирање има смисла бидејќи уредот од сликите не изгледа како целосно буџетски модел, па Apple би можел да го претстави како дел од серијата iPhone 16.