Valve вметна порака за сите корисници на Steam пред секое купување во која сугерира дека купувањето дигитални игри не ви дава сопственост над нив.
Пред да платите за играта што имате намера да ја купите, сега ќе видите порака дека всушност купувате право/лиценца за користење на производот на Steam.
Ова отсекогаш било случај, но дури неодамна Калифорнија усвои законска обврска со која се бара од продавачите на дигитални игри да ги предупредуваат клиентите за ова или да не го користат терминот „купи“ за она што во суштина е плаќање за пристап до игрите, а не за сопственост на игрите со неговата копија.
Разликата е во тоа што ако купувате само лиценца за пристап до играта, тоа значи, меѓу другото, дека немате право да ја препродавате. Исто така, со купување на лиценца за игра, се согласувате дека издавачот или производителот на играта може да ви ја одземе таа игра од која било причина, без да ви плати компензација.
Се разбира, ова не се однесува само на Steam, туку и на сите други платформи (освен GOG) кои продаваат дигитални копии од игри. Сепак, Steam е првата платформа која сега директно им укажува на своите корисници дека купуваат лиценца за играње, наместо сопственост на играта.