Ако го сакате вашиот постар iPhone уред, но вашата батерија брзо се троши, еве совети како да ја зголемите неговата издржливост.
Многу корисници на телефони ги фаќа паника кога одеднаш ќе сфатат дека им згаснува батеријата, вклучувајќи ги и корисниците на најпопуларниот уред – iPhone. Сепак, технолошки експерт сподели помалку познат совет кој може речиси да го удвои траењето на батеријата на вашиот iPhone.
Херби Јасмин, основач на технолошката веб-страница Gotechtor, тврди дека менувањето на поставката „Reduce White Point“ може значително да го продолжи траењето на батеријата на iPhone. „Откако ја сменив оваа поставка на мојот iPhone, забележав дека мојата батерија речиси двојно се зголеми во споредба со она што беше“, тврди Јасмин во објавата на споменатата веб-страница.
Функцијата „Reduce White Point“ може да се најде во апликацијата за поставки под опцијата за големината на екранот и текст во делот за пристапност. Оваа поставка им овозможува на корисниците да ја приспособат осветленоста на екранот со затемнување на поинтензивните бои како зелена, бела и жолта. Јасмин објасни дека затемнувањето на тие светли нијанси заштедува батерија, бидејќи телефонот бара помалку енергија за да го осветли екранот.
Покрај заштедата на батеријата, намалувањето на осветленоста на екранот може да помогне да се намали напрегањето на очите. Светлите, јаки бои може да бидат груби за очите, особено во услови на слаба осветленост, како на пример користење на телефонот навечер во кревет.
Јасмин предложи оние кои не сакаат да го надградат својот постоечки iPhone на претстојниот iPhone 16, треба да размислат за таа едноставна промена на поставките. Се очекува новиот iPhone да има подобрено траење на батеријата и OLED дисплеј кој е понежен за очите од традиционалните LED дисплеи. Но, засега прилагодувањето на „белата точка“ е едноставно решение кое дава резултати.