Оваа земја го има најбрзиот интернет на Балканот

Дали некогаш сте се запрашале која земја има најбрз интернет во нашиот регион, а која во Европа?

Добивај вести на вибер

Истражувањето кое го спроведе британскиот сајт Cable се занимаваше токму со оваа тема, а резултатите ги објави порталот „Landgeist“.

Кога станува збор за земјите на Балканскиот Полуостров, со брзина на интернет конекција од 97,9 Mbps, Македонија е на прво место.

Македонија е пред Словенија (97 Mbps), Србија (60,5 Mbps), Грција (53,9 Mbps), Црна Гора (49,5 Mbps), Босна и Херцеговина (44 Mbps) и Бугарија (40 Mbps).

Најбрзиот интернет во Европа е на островот Џерси (264 Mbps), кој се наоѓа помеѓу Велика Британија и Франција, во Лихтенштајн (246,8 Mbps) и во Исланд (229,4 Mbps).

Во Франција брзината на Интернет е 152,5 Mbps, во Холандија 142,5 Mbps, во Шпанија 133,3 Mbps, а во Германија 81,7 Mbps.

Најбавен интернет во Европа има во Хрватска 25,7 Mbps, Албанија 25,4 Mbps и Турција 24,8 Mbps.

Податоците се базираат на анализа на повеќе од 1,5 милијарди тестови за брзина на пристап до широкопојасен интернет во 229 земји во текот на 12-те месеци кои завршуваат на 30 јуни годинава