Американскиот милијардер и извршен директор на компанијата Tesla, Илон Маск, изјави дека не му донирал електричен Cybertruck на чеченскиот лидер Рамзан Кадиров.

„Дали сте сериозно толку ретардирани што мислите дека сум донирал Cybertruck на руски генерал? Неверојатно“, му одговори Маск на корисник на X кој тврдел дека милијардерот „дава воени возила за американските санкционирани непријатели“.

Cybertruck-от на Tesla беше претставен во 2019 година, а пуштен во производство во 2023 година.

Чеченскиот лидер Рамзан Кадиров викендов објави видео на кое седи зад воланот на Cybertruck Tesla, со инсталиран митралез.

„Искрено му благодарам на Илон Маск. Тој очигледно е главниот гениј на нашето време, експерт, голем човек“, рече Кадиров, поканувајќи го Маск во Грозни.

„Овој Cybertruck ќе биде испратен во зоната за специјални воени операции“, рече тој во видеото.