Мета нема да го претстави својот нов модел на вештачка интелигенција во Европската унија поради регулаторни проблеми.
Американската технолошка компанија Мета соопшти дека нема да го објави својот нов модел на мултимодална вештачка интелигенција (AI) во Европската унија, наведувајќи ги регулаторните грижи.
„Ќе го воведеме мултимодалниот Llama модел во наредните месеци, но не и во Европската унија поради непредвидливата природа на европската регулаторна средина“, рече портпаролката на Мета, Кејт Меклафлин.
Европските компании нема да можат да го користат најновиот модел со вештачка интелигенција на Мета по оваа одлука, пишува The Verge.
Неодамна ЕУ ги разјасни роковите за усогласеност на технолошките компании кои развиваат вештачка интелигенција со својот нов закон за вештачка интелигенција, така што крајниот рок за усвојување на новите правила на ЕУ ќе биде август 2026 година.
Apple соопшти дека нема да го претстави својот нов Apple Intelligence, бидејќи е загрижен за последиците од новиот Закон за европски дигитални пазари.