Започна годинешната летна распродажба на игри на Steam, а како и секогаш, во понуда има голем број на стари и нови наслови.
PC гејмерите имаат нова можност да ги комплетираат своите колекции на игри, бидејќи летната распродажба на Steam е во тек. Бројни игри се достапни по пониска цена како дел од летната распродажба на Steam.
Чекавте да падне цената на една од најпознатите игри, Baldur’s Gate 3. Тоа конечно се случи и оваа одлична, повеќекратно наградувана титула наместо 60 евра сега чини 48 евра.
V Rising има намалена цена од 24,49 евра, додека хит играта Dave the Diver чини 14 евра. Dragon’s Dogma 2 се продава по цена од 52 евра.
Од постарите хитови, Dead by Daylight чини 8 евра, Battlefield V чини 3,5 евра, додека Grand Theft Auto IV: The Complete Edition има цена од 6 евра.
Продажбата на игрите на Steam трае до 11 јули, а комплетната понуда можете да ја најдете овде.