Ферас Хамад, поранешен вработен во Мета во одделот за машинско учење, ги изнесе обвинувањата против технолошкиот гигант.
Тој ја тужеше Мета и тврди дека бил отпуштен поради начинот на кој се справувал со содржината на Инстаграм поврзана со Палестина.
Хамад смета дека само ги посочил неправилностите во оваа работа, а од компанијата велат дека палестинските познати личности неправедно се под „ограничувања“ на Инстаграм.
Токму поради тоа, како што пишува во тужбата, добил отказ и смета дека станува збор за сериозен случај на дискриминација и пристрасност на Мета кон Палестина.
Во еден случај Хамад открил и истакнал дека фотографијата од урната зграда во Газа по грешка била означена како порнографска содржина, а тој тврди дека компанијата Мета прво му рекла дека не биле сигурни дека тоа е негово дело, но подоцна дека се.
Еден месец подоцна, односно во март годинава, дознал дека е под „внатрешна истрага“, а на крајот добил отказ со образложение дека го прекршил правилото според кое вработените не смеат да работат на случаи во кои се вклучени лица кои ги познаваат лично.
Имено, компанијата тврдеше дека тој лично го познава човекот кој ја фотографирал урнатата зграда, додека Хамад ги негира овие тврдења.