YouTube Music за Android конечно ја добива долгоочекуваната функција.
Со ова, корисниците ќе можат да ја „промумлаат“ песната за да ја најдат во апликацијата, па само треба да знаете како оди мелодијата.
Сè што треба да направите е да допрете на „точката“ во горниот десен агол, а потоа да ја побарате иконата што личи на бранови.
Кога YouTube Music ќе ја најде песната што ја сакате, ќе ви ја отвори заедно со сликата и насловот на албумот, како и името на изведувачот и други детали релевантни за песната.
Оваа корисна алатка ќе се појави заедно со верзијата 7.02 на апликацијата YouTube Music за оперативниот систем Андроид. Засега нема информации дали ќе пристигне за iOS.
Оваа функција, иако е корисна, не е баш нова – Google Search лансираше нешто слично во 2020 година, а редовната апликација YouTube во 2023 година. Исто така, услугата за стриминг Deezer има опција „мумлање“ за наоѓање песна од 2022 година.