Започнете да штедите пари за новата верзија на конзолата PlayStation 5.
Том Хендерсон од Insider Gaming вели дека неодамна објавените детали за конзолата PlayStation 5 Pro доаѓаат од документите што Sony неодамна ги испрати до програмерите.
Врз основа на протечените информации, PS5 Pro се очекува за време на празничната сезона, на крајот на оваа година.
PlayStation 5 Pro треба да понуди подобрен и постојан фрејмрејт (FPC) во 4K, како и „performance mode“ за 8K резолуција.
Се очекува конзолата да ги прикажува игрите до 45% побрзо и да има можности за следење зраци кои се два до три пати побрзи од стандардната конзола PlayStation 5.
Исто така, документацијата покажува дека графичкиот процесор на конзолата нуди перформанси од 67 терафлопи FP16 (33,5 терафлопи FP32), што укажува на поголеми брзини и севкупно подобра графика.
Се сугерираше дека Sony планира да го објави PS5 Pro за време на празничната сезона за да ја искористи зголемената продажба во тој период.
Секако, сето ова може да се промени доколку се случат некои непредвидени околности, а како што се шпекулира, гореспоменатите изјави треба да се земат со резерва.