Водечки компании за додатоци за видео игри создаваат официјално лиценцирани производи специјално за Samsung Gaming Hub; PDP е прва компанија која го претставува новиот Gaming Hub контролер во јануари
Samsung Electronics Co., Ltd. денес ги објави деталите за програмата „Креирано за Samsung Gaming Hub“ што ќе биде прикажана на саемот CES® 2024. Целта на програмата е соработка со водечки компании за додатоци за видео игри за да се активира следната генерација најдобри партнерски производи во својата класа за Samsung Gaming Hub, платформа за стриминг на видео игри на Samsung.
Покрај тоа, компанијата го објави своето партнерство со добавувачот на додатоци за видео игри PDP (Performance Designed Products LLC), за да го претстави првиот „Креирано за Samsung Gaming Hub“ контролер.
„Самсунг ја препознава незаменливата улога на додатоците во подобрувањето на искуствата со видео игрите“, рече Џихо Ха (Jiho Ha), раководител на групата за партнерства во делот за услуги во Samsung Electronics. „Врз основа на нашето веќе високо ниво на компатибилност, програмата „Креирано за Samsung Gaming Hub“ ќе ни обезбеди соработка со доверливи партнери за да направиме додатоци кои дополнително ќе го подобруваат врвното искуство со Samsung Gaming Hub“.
Почнувајќи од оваа година, гејмерите ќе можат да ја видат ознаката „Креирано за Samsung Gaming Hub“, која означува дека производот е тестиран за компатибилност, квалитет, перформанси, безбедност и сигурност на уредите на Samsung. Додатоците што ја имаат оваа ознака го гарантираат најдоброто можно искуство со стримување видео игри на Samsung Gaming Hub, без оглед на тоа кој уред подржан од Samsung ќе биде избран.
Денес, Samsung, исто така, го објави своето партнерство за новиот безжичен контролер на PDP, „Replay Midnight Blue“, кој е првиот производ од програмата „Креирано за Samsung Gaming Hub“. Новиот контролер ќе вклучува вградена батерија што може да се полни и обезбедува до 40 часа играње по полнење, безжична Bluetooth врска од 30 стапки со ниска латентност, копче Samsung Gaming Hub за активирање на Samsung Gaming Hub, копче за контрола на јачината на звукот на телевизорот, кое е лесно за користење и многу повеќе. Гејмерите можат подетално да го разгледаат „Replay Midnight Blue“ на штандот на Samsung на CES. Контролерот сега е достапен 1 за пред-нарачка на веб-страницата на PDP, Amazon.com и BestBuy.com.
Самсунг продолжува да им дава на гејмерите поголем избор во начинот на играње, од уредите што ги користат за стримување на нивните видео игри до проширување на екосистемот на Samsung Gaming Hub и постојано нуди иновативни производи и искуства што ги сакаат гејмерите.
Следете нè, бидејќи Samsung продолжува да иновира и додава нови партнери во екосистемот „Креирано за Samsung Gaming Hub“.
За Samsung Electronics Co., Ltd.
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, лиените и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите.
Најнови вести на Samsung Newsroom: http://news.samsung.com.
За Samsung Gaming Hub
Samsung Gaming Hub, кој го поддржува оперативниот систем Tizen, е целосна платформа за стриминг на видео игри, која комбинира хардвер и софтвер за подобро гејминг искуство. Нуди илјадници Xbox, NVIDIA GeForce NOW, Amazon Luna, Utomik, Antstream Arcade и Blacknut Cloud Gaming видео игри. Samsung Gaming Hub е новиот дом за гејминг и забава со интеграција на Twitch, Spotify и YouTube Gaming што им овозможува на гејмерите лесен пристап за подобрено искуство. Без ограничен простор за складирање, без преземања и без конзола или компјутер – сè што им е потребно на герјмерите е Bluetooth гејминг контролер и интернет врска. Дознајте повеќе на: https://www.samsung.com/us/tvs/gaming-hub/