Досега имавме прилиак да го видиме претстојниот Samsung Galaxy Note20 Ultra телефон во Mystic Bronze и Mystic Black варијанти. Сега се појавија фотографии од смартфонот во уште една верзија – Мистична бела (Mystic White).
За Galaxy Note20 линијата веќе некое време се појавуваат информации, а знаеме дека новата серија ќе биде претставена на најавениот настан на 5. август и ќе ја сочинуваат Galaxy Note20 и Galaxy Note20 Ultra моделите.
Galaxy Note20 Ultra, според протечените детали ќе го покренува Exynos 990 чипсет во Европа, ќе користи Android 10 од старт и ќе има 12GB RAM и со 512GB простор за складирање податоци.
Дисплејот на уредот ќе биде 6,9-инчен 120Hz WQHD+ AMOLED, со punch-hole отвор за 10MP селфи камера. На задната страна ќе се најде 108MP главна камера, како и 12MP ултраширок и 12MP телефото сензор.
Galaxy Note20 Ultra ќе има и S Pen паметно пенкалце со латенција од 9ms, а сето ова ќе го напојува батерија со капацитет од 4500mAh.