Членството на Amazon Prime исто така вклучува Prime Video без реклами, но тоа ќе се промени.
Почнувајќи од следниот месец, оние корисници кои имаат Prime Video со Amazon Prime ќе можат да пристапат до него, но ќе имаат реклами освен ако не платат дополнително.
Амазон испрати е-пошта до корисниците во САД во која објави дека компанијата ќе започне да прикажува реклами на платформата Prime Video од 29 јануари 2024 година.
Тие велат дека ако некој не сака реклами на платформата, ќе мора да плаќа 2,99 долари месечно над она што вообичаено го плаќа. Оваа опција е веќе во варијанта за преднарачка, но не е прецизирано што ќе добијат оние што ќе ја „нарачаат“ сега наместо подоцна.
„Ви пишуваме за претстојната промена во вашето искуство со Prime Video. Почнувајќи од 29 јануари, филмовите и сериите на Prime Video ќе вклучуваат ограничени реклами. Ова ќе ни овозможи да продолжиме да инвестираме во содржината и да ја зголемиме таа инвестиција во долг временски период . Наша цел е да имаме значително помалку реклами од обичните ТВ и други провајдери. Ништо не се бара од вас и нема промена на моменталната цена на вашето членство во Prime“, се вели во е-поштата испратена до корисниците.