Промотивните кампањи за Diablo 4 се дефинитивно импресивни.

Пред објавувањето на играта, желните фанови можеа да ја добијат бесплатно, со тетовирање на некој ѓаволски мотив, а сега Blizzard подарува специјален компјутер за игри на кој, ако им се верува, е вбризгана човечка крв.

Промотивната кампања Blood Harvest има за цел да собере 666 литри крв за потребите на болниците, а играчите кои ќе му дадат потврда на Blizzard дека дарувале крв се вклучени во натпревар за компјутер на Diablo 4.

Во него има процесор Intel Core i9, Nvidia GeForce GTX 4090, 64GB RAM, 3TB SSD диск и систем за ладење на вода, а ако му се верува на Bizzard, овој систем е исполнет со вистинска крв.

Како дел од кампањата, ќе бидат отклучени три награди за сите играчи откако заедницата ќе достигне одредени нивоа на дарување крв.

Досега се собрани 11 отсто од планираната сума, а можат да учествуваат само оние од САД.