На настанот Lenovo Tech World ’23, Motorola претстави неколку интересни концепти кои можеби никогаш нема да ја видат светлината на денот, а меѓу нив е и прототип на „адаптивен дисплеј“ кој може да се користи во форма на модерен мобилен телефон, како „паметна“ нараквица.
Овој уред изгледа како понапредна верзија на прототипот што Lenovo го претстави во 2016 година.
Покрај тоа, компанијата истакна неколку функции за вештачка интелигенција за уредите на Lenovo кои веќе може да се купат.
Новиот концепт е ролабилен смартфонсо FHD+ pOLED екран, кој може да се свитка и обликува во различни форми во зависност од потребите на корисникот. Исто така, уредот може целосно да се „исправи“ и да се користи како модерен паметен телефон, но може да се превиткува и да се стави на маса како држач. Третата опција е да го ставите уредот на зглобот на раката како нараквица.
Концептот има 6,9-инчен екран и нуди „целосно искуство со Android“ исто како и секој паметен телефон со оперативен систем на Google. Уредот може да се трансформира и во компактна форма на Android на дисплеј од 4,6 инчи.
Сепак, овој концепт не треба да се очекува наскоро на пазарот, но Lenovo докажува дека не се плаши од експерименти.