Илјадници луѓе се бореа со шумските пожари на Хаваите, но некои се живи благодарение на помошта што ја добија од функцијата на iPhone. Итен SOS повик, достапен на iPhone 14, автоматски повикува локален број за итни случаи и ја споделува вашата локација со службите за итни случаи.

Откако ќе заврши итниот повик, iPhone испраќа СМС до вашите контакти за итни случаи, освен ако не го откажете. iPhone им ја испраќа вашата моментална локација и откако ќе влезете во режимот за итен повик, вашите контакти за итни случаи добиваат ажурирања за промената на вашата локација.

Можете исто така да додадете контакти за итни случаи. На iPhone 14, можете дури и да користите сателитски итен повик за да испраќате SMS до службите за итни случаи кога мобилните и Wi-Fi мрежите се недостапни.

Искуства на луѓето: „СОС им ги спаси животите“

На X, порано познат како Твитер, корисникот Мајкл Мирафлор ја сподели приказната за тоа како функцијата се користела за спасување на луѓето што ги познавал кои биле на Хаваи кога избувнале пожарите, со скриншот што покажува што се случило по активираниот SOS режим.

„Роднина на девојката на брат ми и неговото семејство беа во нивното возило во Мауи кога ненадејно избувнаа шумски пожари околу нив. Немаше сигнал, а Apple Emergency SOS беше единствениот начин на кој можеа да стапат во контакт со некого. Тоа буквално им ги спаси животите“, напиша Мирафлор.

Тој додаде дека групата била безбедно евакуирана во рок од 30 минути благодарение на итна СОС функција.

Како се користи функцијата на други уреди?

Во спротивно, за да остварите повик на iPhone 8 или понова верзија, притиснете и задржете ги страничното копче и едно од копчињата за јачина на звук додека не се појави лизгачот за итни повици. Повлечете го лизгачот за итни повици за да ги повикате службите за итни случаи.

Ако не го повлечете лизгачот, но сепак ги држите страничното копче и копчето за јачина на звук, одбројувањето започнува и алармот се активира. Ако ги ослободите копчињата кога ќе заврши одбројувањето, iPhone автоматски ќе ги повика службите за итни случаи.

За да остварите повик на iPhone 7, брзо притиснете го страничното (или горното) копчето пет пати. Ќе се појави лизгач за итни повици. Повлечете го лизгачот за итни повици за да ги повикате службите за итни случаи.

По завршувањето на повикот, iPhone испраќа СМС со вашата моментална локација до вашите контакти за итни случаи, освен ако не го откажете.

Ако опцијата Location Services е исклучена, таа привремено ќе се вклучи. Ако вашата локација се промени, вашите контакти ќе ги добијат ажурираните информации и ќе добиете известување по околу 10 минути.