Компанијата HMD Global која го вклучува брендот Nokia го претстави телефонот Nokia Shadow во виолетова боја, а се карактеризира со интересна опција.
Досега корисниците мораа да одат во сервис за да го поправат својот неисправен телефон, но Нокиа има решение кое може да ја промени оваа ситуација.
“The Nokia G42 5G not only looks amazing, in that purple hue so trendy this year, but it continues the company’s repairability journey that is now a core part of our smartphone journey” #Nokia #Repairability #HMDGlobal #Sustainability https://t.co/Okzc6pxxd1
— Lars Silberbauer (@larssilberbauer) June 28, 2023
Nokia Shadow е нов телефон кој корисниците можат сами да го поправаат дома, благодарение на опцијата QuickFix. На овој начин ќе може да се поправи напукнат екран, неисправна батерија, порти за полнење и слично.
Во соработка со iFixit, Nokia Shadow може да се поправи со практични водичи за сервисирање чекор-по-чекор и прифатливи резервни делови.
Кога станува збор за спецификациите, Nokia Shadow е телефон со прифатлива цена. Се напојува со мобилната платформа Qualcomm Snapdragon 480+ 5G, со поддршка за 5G технологии.
Има големина на дисплеј од 6,56 инчи во HD+ резолуција и поддршка за OZO 3D снимање звук. На задната страна има камера од 50 MP, додека батеријата може да издржи три дена со едно полнење.
Поважно е тоа што Nokia Shadow доаѓа со поддршка за тригодишни месечни безбедносни надградби и две години надградби на оперативниот систем Андроид.