Уредот, кој се рекламира како начин да им се овозможи на паровите на долги растојанија да споделуваат „вистинска“ физичка интимност, предизвика бурни реакции кај кинеските корисници на социјалните мрежи кои се и шокирани и заинтригирани.
Според производителите, уредот е опремен со сензори за притисок и актуатори, така што е во состојба да имитира вистински бакнеж со реплицирање на притисокот, движењето и температурата на усните на корисникот, пишува CNN.
Покрај движењето на усните за време на бакнувањето, може да се пренесе и звукот што го испушта корисникот. Сепак, додека многу корисници на социјалните мрежи ја видоа смешната страна на уредот, други го критикуваа како „вулгарен“ и „морничав“. Некои велат дека се загрижени дека малолетниците би можеле да го купат и користат.
Remote kissing device for long-distance lovers, invented and patented by Chinese university student in Changzhou City.
The mouth-shaped module, served as an inducing area for lovers to make the kiss and then it can transfer kiss gesture to the “mouth” on the other side. pic.twitter.com/5i2ogMiUXe— China in Pictures (@tongbingxue) February 22, 2023
За да испратат бакнеж, корисниците треба да ја преземат мобилната апликација и потоа да го поврзат својот мобилен телефон со уредот. По спарувањето со нивните партнери во апликацијата, паровите можат да започнат видео повик и да праќаат бакнежи еден на друг.
Иако се рекламира за врски на далечина, кинескиот уред, исто така, им овозможува на корисниците да бакнуваат непознати со кои сакаат да пробаат бакнежи откако ќе остварат контакт преку онлајн апликации за запознавање.
Корисниците исто така можат да ги зачуваат своите бакнежи во апликацијата за другите да ги преземаат и искусат. Цената на овој уред е околу 40 долари.