Доколку имате iPhone и го користите како „батериска лампа“, iOS во своите поставки има опција која ќе ви го олесни користењето на телефонот на овој начин, но и за некои други потреби.
Еден вид скриена функција на iPhone се нарекува „Back Tap“, а беше претставена како дел од верзијата на софтверот iOS 14. Функцијата ви овозможува брзо да извршите одредени дејства – на пример, да направите слики од екранот или да ја стартувате камерата – со едноставно допирање/притискање на задниот дел од телефонот.
Ова е корисен додаток, кој го олеснува користењето на iPhone за многумина, а оние кои овозможуваат Back Tap можат да го претворат во прилагоден клуч и да го користат за различни дејства, вклучително и претворање во лампа за осветлување.
За да ја активирате функцијата, одете до поставките на вашиот iPhone и на опциите Accessibility > Touch > Back Tap. Овде имате опција да активирате дејства (на пример, батериска лампа) и можете да изберете да го направите со два или три допири на прстот. Иако две притискања се обично побрзи, тие исто така може да доведат до случајно активирање на поставената функција.
Откако ќе ја изберете опцијата тапкање/притисок, изберете ја опцијата „Flashlight“ или кое било друго дејство што го сакате. Има повеќе од 30 опции, вклучително и помошникот Siri, создавање слика од екранот, отворање лупа, вклучување превод во реално време и многу повеќе.
Ќе знаете дека сте поставиле сè правилно, кога ќе се појави сино штиклирање десно од избраното дејство. На овој начин, можно е да се постават две кратенки – едната се активира со две притискања на задната страна, додека другата се активира со три притискања, пишува CNet.