Популарната апликација за пораки подготвува нова функција, која на корисниците на WhatsApp ќе им овозможи нова опција за верификација и дополнителна заштита за нивните сметки.
Откако ја објави можноста за најавување на WhatsApp од секундарен мобилен уред на Android, благодарение на режимот „companion“, WhatsApp сега тестира нова опција за верификација.
Опцијата е достапна за одреден број бета-тестери, кои добиваат код од шест знаци за да се пријават на услугата на нивните уреди со Android.
Новата опција за верификација се прикажува меѓу другите методи за автентикација и го прашува корисникот дали сака да добие шифра од шест знаци на главниот телефон. Ако функцијата е овозможена на сметката на корисникот, кодот се доставува.
WhatsApp препорачува овој код да биде заштитен, бидејќи е еден вид лозинка.
Функцијата моментално е ограничена само на одредена група бета-тестери, а се очекува во наредните недели да стане достапна за поголем број корисници.