Лендерот InSight на НАСА најверојатно ја испратил својата последна слика од површината на Марс. Откако почна да собира податоци на почетокот на 2019 година, лендерот откри многу фасцинантни работи за внатрешноста на Црвената планета.
На пример, тој откри дека Марс не е сеизмички „мртов“ како што претходно претпоставувавме, туку дека неговото тло понекогаш се тресе, што сугерира дека има вулканска активност под регионот Cerberus Fossae.
My power’s really low, so this may be the last image I can send. Don’t worry about me though: my time here has been both productive and serene. If I can keep talking to my mission team, I will – but I’ll be signing off here soon. Thanks for staying with me. pic.twitter.com/wkYKww15kQ
— NASA InSight (@NASAInSight) December 19, 2022
Досега има забележано повеќе од 1.300 земјотреси, а во мај имаше еден крајно необичен. Имено, освен што тоа беше најсилниот земјотрес забележан досега на Црвената планета, тој беше и најдолгиот – Марс се тресеше десет часа.
InSight беше лансиран во мај 2018 година, а слета на Марс на 26 ноември истата година. За време на неговиот престој на Марс, тој ја мерел сеизмичката активност на планетата и се обидел да открие каква е температурата внатре.