Американската вселенска агенција НАСА, во потрага по практични решенија за изградба на одржливи структури на Месечината, го продлабочи партнерството со компанијата ICON од Остин, Тексас.

ICON е познат по изградбата на првата вселива 3D-печатена куќа во САД во 2018 година, а НАСА сега ја продлабочува својата соработка со фирмата, доделувајќи и договор во вредност од 57,2 милиони долари за развој на решенија кои „може да помогнат во изградбата на инфраструктура како што се објекти за живеење, патишта на површината на Месечината и областите за слетување“.

Со потпишување серија договори со приватни компании, НАСА се обидува да ги надополни своите долгорочни мисии за истражување на Месечината во рамките на програмата Артемис.

„Поттикнувањето на овој развој со нашите комерцијални партнери ќе создаде можности потребни за идните мисии“, рече Ники Веркхајзер, директорка за технолошко созревање во Дирекцијата на мисијата за вселенска технологија на НАСА.

Новиот проект е продолжување на напорите на ICON според договор за двојна употреба финансиран делумно од НАСА и американските воздухопловни сили. Станува збор за иницијатива Small Business Innovation Research (SBIR), чии претходни фази имаа за цел да ги прошират можностите на 3D печатените структури кои ќе се користат за време на мисиите во вселената, како и да истражат што е заедничко да се користи на Земјата и во вселената.

Новата Фаза III ќе се фокусира на еволуцијата на конструкцискиот систем на Project Olympus на ICON, кој има за цел да ги користи достапните ресурси на површината на Месечината и Марс како градежен материјал за подолги мисии.

„Со цел да истражуваме други светови, треба да ги прилагодиме иновативните технологии на тие средини и потребите на нашето истражување“, додаде Веркхајзер.

Проектот на ICON во голема мера ќе биде одговорност на проектот на НАСА за Mars Planetary Autonomous Construction Technologies (MMPACT) во Центарот за вселенски летови Маршал во Алабама.

Симулирана марсовска средина наречена Mars Dunel Alpha беше развиена од ICON користејќи напредни техники за 3D печатење. Оваа структура ќе се користи за обука на астронаути за долготрајни мисии.

Една од мисиите на програмата Артемис е да се изведат долготрајни мисии на Месечината по речиси 50 години. Првата жена ќе стапне на површината на Месечината заедно со уште еден астронаут, што се очекува во 2024 година. Друга цел е да се воспостави одржливо човечко присуство на Месечината до 2028 година.

Во меѓувреме, капсулата Орион на НАСА прелета над Месечината и достигна рекордна оддалеченост, а нејзиното враќање се очекува на 11 декември.