Намерата на американската вселенска агенција НАСА и Европската вселенска агенција ESA да донесат примероци од Марс не е тајна, а сега е објавено видео кое покажува како двете агенции имаат намера да го направат тоа.
Лабораторијата за млазен погон на НАСА објави видео на YouTube кое за 106 секунди ги прикажува клучните моменти од исклучително сложената мисија наречена Mars Sample Return (MSR).
Анимацијата е создадена од лабораторијата за млазен погон на НАСА, Центарот за вселенски летови Годард, Центарот за вселенски летови Маршал и ЕСА.
Планирано е лендерот MSR, ракетата и орбитерот на ESA да бидат лансирани во 2028 година, а слетувањето на Црвената планета се очекува во 2031 година. Враќањето на Земјата треба да се случи во 2033 година.