Американската компанија SpinLaunch, која може да направи конфузија во брзорастечката индустрија за лансирање сателити со катапултирање на товар во вселената користејќи минимална количина ракетно гориво, штотуку помина огромен тест.
SpinLaunch лансираше компоненти на сателитот на НАСА во небото, а потоа повторно дојде до нив и ги анализираше за да утврди како се справуваат со вртењето во неговиот суборбитален акцелератор и летање со 8.000 km/h.
Тестот беше 10-то успешно лансирање на SpinLaunch и беше извршен од Вселенското пристаниште Америка во Ново Мексико на 27 септември, како дел од кампањата за тестирање за да се утврди дали одреден научен товар и сателити можат да го „преживеат“ стресот од процедурата за лансирање.
На почетокот на оваа година, НАСА соопшти дека потпишала договор за тестирање на технологијата на SpinLaunch, така што нејзин товар може да биде лансиран со помош на кинетички систем за лансирање. Партнери и владини претставници ја набљудуваа мисијата на 27 септември.
SpinLaunch катапултираше не само товар на НАСА, туку и товар од Ербас, Универзитетот Корнел и развивачот на сателити, компанијата Outpost. Овој товар се вртеше во Суборбиталниот акцелератор и потоа лансиран на небото.
Дизајниран да собира клучни податоци за летот, товарот на НАСА содржел жироскоп, магнетометар и два акцелерометри, како и сензори за температура и влажност.
„Пробниот лет 10 претставува клучна точка за SpinLaunch, бидејќи го отворивме суборбиталниот акцелератор за нашите клиенти, стратешки партнери и истражувачки групи. Податоците собрани за време на тест летовите ќе бидат исклучително вредни за SpinLaunch додека го развиваме нашиот систем за орбитално лансирање, исто така и за нашите клиенти кои сакаат ниска цена и одржлив пристап кон вселената“, рече Џонатан Јејни, основач и извршен директор на SpinLaunch.
За време на тестот, товарот беше лансиран до висина од 9.150 метри.
Системот на SpaceLaunch ќе биде многу поевтин од стандардните бидејќи користи 70 проценти помалку гориво и инфраструктура во споредба со традиционалното лансирање ракета. Исто така, тој е поеколошки бидејќи користи мал ракетен мотор за конечно „вметнување“ во орбитата.