Google има репутација дека не избегнува да ги затвори проектите на кои работи и развива, дури и по неколку години активност.

Многу корисници сè уште не можат да го заборават или простат исклучувањето на некои услуги од страна на компанијата во текот на претходните години, без разлика дали се работи за услугата Inbox за електронска пошта, социјалната мрежа Google+, одличниот агрегатор на RSS feed Google Reader и некои други проекти.

Иако се чинеше дека компанијата во претходните години малку се смири и го намали бројот на услуги што ги гаси, само минатата година беа затворени над 20 од нив. Оваа година, неодамнешната најава за исклучување на услугата за стриминг игри Stadia во 2023 година секако привлече најголемо внимание.

Досега Google исклучил толку многу производи и услуги што е создаден посебен часовник кој ги прикажува сите. Сајтот Killed by Google моментално наведува 274 производи кои се затворени или ќе бидат затворени од Google.

Alphabet е концерн во чија сопственост е Google и е една од најпрофитабилните компании во светот. Голем дел од овие приходи доаѓаат од Google сервисите и услугите, така што компанијата има на располагање многу средства кои може да ги инвестира во истражување и развој.

Знаеме дека сите проекти кои се тестираат и развиваат не ја гледаат светлината на денот или не излегуваат од тест фазата, но Google едноставно разви репутација како компанија која ги затвора своите производи и услуги дури и по неколку години од нивното постоење.

Меѓу најпознатите или најинтересните проекти, кои навистина им се допаднаа на голем број корисници, а кои Google ги откажа во претходниот период, се:

Picasa (2002 – 2015)
Google Video (2005 – 2012)
Google Talk (2005 – 2017)
Google Listen (2009 – 2012)
Bump! (2009 – 2014)
Wave (2009 – 2012)
Pixate (2012 – 2016)
Quickoffice (2013 – 2014)
Hire by Google (2017 – 2020)
Play Music (2020)

Од поголемите проекти кои Google ги укина, секако најинтересни се:

Google Desktop (2004 – 2011)
Google Labs (2006 – 2011)
Orkut (2004 – 2014)
Google Nexus (2010 – 2016)
Nexus Player (2014 – 2018)
Google Plus (G+) (2011 – 2019)
Inbox by Gmail (2014 – 2019)
Chrome Apps (2013 – 2022)
YouTube Go (2016 – 2022)
YouTube Originals (2016 – 2022)