WhatsApp постојано ги проширува своите функции за да се натпреварува со конкурентните платформи за инстант пораки.
WhatsApp изгледа има уште една интересна опција во развој. Според порталот WABetaInfo, WhatsApp работи на функција која ќе им овозможи на корисниците да креираат персонализирани налепници (стикери), односно себе да се претворат во стикери, кои потоа ќе можат да ги користат во пораките.
? WhatsApp beta for Android 2.22.21.3: what's new?
WhatsApp is working on configuring an avatar, for a future update of the app!https://t.co/fHPomYOF9H pic.twitter.com/hqlc2ejrEe
— WABetaInfo (@WABetaInfo) September 20, 2022
Некои од најновите функции на WhatsApp се достапни преку бета програмата. Сепак, уште еден куп други се во подготовка и ќе биде потребно време пред да станат достапни.
Споменатата опција, со персонализирани налепници, беше откриена во најновата WhatsApp бета верзија 2.22.21.3 на Android. Но, таа бета верзија сè уште не е широко достапна за корисниците и нема информации кога ќе стане широко достапна за сите бета тестери.
Сепак, WABetaInfo објави неколку слики од екранот кои даваат увид како функционира новата функција и како ќе изгледа во пракса.
Откако корисникот ќе го создаде својот аватар, ќе биде достапен во различни пози и со различни изразени емоции. Една од одличните карактеристики би била тоа што освен испраќањето на нивните аватари во поединечни или групни разговори, корисниците можат да ги постават тие аватари како нивна слика за прикажување или слика на профилот на WhatsApp.
Во пребарувачот на WhatsApp наскоро ќе има посебен дел за налепницата за аватар, на местото каде што обично се наоѓаат опциите за испраќање емотикони, класични налепници и GIF.
Се очекува корисниците да добијат куп опции за прилагодување за аватарот на WhatsApp да изгледа речиси идентично како нив, во анимирана форма.