Археолозите откопаа дворец стар 1.200 години во јужен Израел, кој нуди уникатен увид во животот на богатите жители на регионот Негев, соопшти неодамна државната управа за антиквитети.

Откритието во бедуинскиот град Рахат датира од раниот исламски период во 8 или 9 век, соопштија властите.

Луксузниот имот е изграден околу двор и има четири крила со неколку соби на секоја страна. Еден раскошен дел има мермерен коридор со камени подови и сложени ѕидни украси.

Археолозите пронајдоа и фрагменти од украсени стаклени садови, пренесува АП.

Под дворот, археолозите беа изненадени кога открија подземни сводови направени од камен, за кои веруваат дека се користеле за складирање на предмети на пониски температури подалеку од жешкото пустинско сонце.

Се чини дека сводовите се внимателно изработени и доволно силни за да им овозможат на луѓето да се движат меѓу нив под земја. Отвор од засводените простории води и до фонтана каде што жителите можеле да пристапат до ладна вода за пиење.