Mad Head Games е српско студио кое развива видео игри, а од нив наскоро доаѓа и Scars Above.
Scars Above беше објавена за време на Gamescom, која е една од најголемите конференции за игри во светот. Играта спаѓа во жанрот на научно-фантастичните акциони авантури, а објавен е и трејлер.
Играта Scars Above ќе излезе на почетокот на 2023 година, а ќе се појави за компјутер, како и за PlayStation и Xbox конзоли.
Играчот ќе биде во улогата на астронаутот Кејт Вард, која остана без помошта од нејзиниот екипаж во необична и непријателска средина. Описот на ликот укажува дека Кејт е научник и ќе се најде во различни улоги и средини, мистерии и опасности.
Трејлерот ни овозможува да ѕирнеме во некои елементи од играта, како што се борба, истражување и решавање на загатки. Има и средба со вонземски форми на живот и поглед „преку рамо“ за време на борбените секвенци.