Samsung штотуку ја зацврсти својата позиција како врвен производител на чипови. Јужнокорејската компанија беше првата што направи микрочип од 3 nm (нанометар), победувајќи го добавувачот на Apple TSMC во оваа возбудлива трка.

Samsung сега е на чекор од производство на најнапредните чипови во светот. Според Samsung, новиот производствен процес е енергетски поефикасен за 45 проценти и обезбедува 23 проценти подобри перформанси од претходната генерација на чипови од 5 нанометри.

Овие подобрувања се постигнуваат со користење на процес наречен Gate-All-Around Transistor Architecture (GAA FET), кој е надградба од FinFET и со 16 проценти помала површина од претходно. Samsung истакнува дека новиот микрочип ќе се користи за пресметување со високи перформанси и ниска потрошувачка на енергија со мобилни процесори кои доаѓаат подоцна, и дека втората генерација на чипови од 3 nm ќе ја намали потрошувачката на енергија за 50 проценти и ќе ги подобри перформансите за 30 проценти, на 35 проценти помала површина.

Со овој успех, Samsung ја покажа својата позиција како врвен производител на чипови. Сепак, корејскиот технолошки гигант има долг пат да помине за да се докаже против TSMC, тајванскиот производител на чипови кој доминира со уделот на пазарот и прави чипови за iPhone, iPad, MacBook и десктоп Mac уредите на Apple, како и снабдување со други гиганти како што се Nvidia и АМД.

„Ќе продолжиме активно да иновираме во развојот на конкурентна технологија и да градиме процеси кои помагаат да се забрза постигнувањето на технолошка зрелост“, рече Сијонг Чои од Samsung.

Иако тоа е голема пресвртница за Samsung, производството на 3nm чипови веројатно нема да има големо влијание врз TSMC во следните 12 месеци, пишува Bloomberg. Производителот на паметни телефони Galaxy прво ќе треба да покаже дека може да произведува со иста исплатливост како и неговиот конкурент пред компаниите да почнат да ги бараат и неговите чипови.

Samsung и TSMC моментално се натпреваруваат за повеќегодишни договори со Apple и Qualcomm, две мегатехнолошки компании кои чекаат масовно производство на 3nm чипови кои би можеле да ги подобрат перформансите на постоечките производи, а истовремено да овозможат нови технологии.

Samsung ќе ги произведува овие чипови во Јужна Кореја во своите капацитети во Хвасеонг пред да се прошири во Пјонгтаек. Компанијата во моментов гради фабрика во Тексас каде би можела да потроши повеќе од 10 милијарди долари за производство на чипови од 3 nm.

Постигнувањето на технологијата од 3 nm е мала победа, но со оглед на тоа што TSMC наводно ќе започне со масовно производство на 2nm технологија во 2025 година, со чипови кои ќе пристигнат во 2026 година, Samsung ќе мора да ја држи ногата „на гас“ за да има какви било шанси, да го престигне својот најжесток конкурент.