Компанијата GeIL планира да стане првиот производител што ќе лансира DDR5 мемориски модули со активно ладење.

Иако DDR5 меморијата е поефикасна во однос на потрошувачката во споредба со DDR4, тоа не значи дека DDR5 модулите со голема брзина ќе произведуваат помалку топлина во споредба со DDR4. Вистина е дека DDR5 работи на пониски напони од DDR4, но и други фактори може да доведат до загревање на мемориските модули со голема брзина.

Затоа GeIL одлучи, во рамките на својата нова EVO V DDR5 RGB серија на DRAM-модули, да им понуди на клиентите приспособени „titanium gray“ или „glacier white“ проводници на топлина со RGB осветлување и два интегрирани вентилатори.

Споменатите вентилатори го компресираат воздухот околу топлинските спроводници, за да ја одржуваат меморијата разладена за време на оптоварувањето. Со ова напредно решение за ладење, GeIL се надева дека ќе ги одржи своите модули на идеални термички нивоа, што исто така го зголемува потенцијалот за оверклокување на оваа меморија.

GeIL EVO V DDR5 RGB меморијата ќе биде достапна од јули со брзини од 4800 MT / s до 6600 MT / s и во капацитети од 32 GB (2 x 16 GB) и 64 GB (2 x 32 GB).