Помина повеќе од една година откако Mediatonic потврди дека Fall Guys: Ultimate Knockout доаѓа на Xbox и Nintendo Switch. По некои одложувања, на чекањето конечно му дојде крајот.

Урнебесната „battle royale“ платформа на Xbox, Nintendo Switch, како и на Epic Games Store пристигнува на 21-ви јуни. Во подготовка е и верзија за PlayStation 5, а вкрстена поддршка и надградби ќе бидат достапни на сите платформи.

Она што е уште поинтересно е што Fall Guys станува бесплатен наслов. Постојните играчи на PlayStation и Steam ќе добијат „legacy“ пакет со нови костими и други бонуси.

На 21 јуни започнува и новата сезона. Mediatonic ја нарекува Season 1: Free For All. Тоа ќе биде првото сезонско ажурирање од ноември минатата година, а пристигнува со нови нивоа и козметика.

Fall Guys добива уште една голема новина – создавање нивоа. Ова беше најавено како функција која е во развој, не се знае кога ќе биде достапна, но секако ќе биде интересна за играчите.