Play Store моментално има толку многу апликации што е потребно да се отфрлат некои од нив. Тоа е токму она што Google има намера да го направи со оние апликации кои се многу стари.
Сигурноста и безбедноста се главните карактеристики на најновите ажурирања на Android. Сепак, многу од овие стари и запуштени апликации не ги поддржуваат сите нови барања на софтверската платформа на Google.
Подоцна оваа година, Google ќе преземе одредени чекори за да се осигура дека застарените апликации нема негативно да влијаат на безбедноста на корисниците.
Во моментов, Google бара новите апликации и ажурирањата на апликациите да не таргетираат API што се една верзија зад најновата. Сепак, има огромен број на стари апликации кои не се ажурирани со текот на годините.
Google не планира целосно да ги отстрани овие апликации од Play Store, но најверојатно корисниците нема да ги гледаат често. Подоцна во текот на годината, апликациите што се повеќе од две API верзии зад најновата повеќе нема да можат да се инсталираат или нема ни да се појавуваат во пребарувањето.
Компанијата истакнува дека повеќето апликации во Play Store се компатибилни со новите стандарди. Апликациите претходно инсталирани или купени од корисникот сè уште ќе бидат видливи по оваа промена. Исто така, постарите апликации ќе бидат видливи ако користите телефон или таблет со соодветна верзија на Android.
Споменатите измени ќе почнат да се применуваат од 1 ноември годинава. Ова ќе им даде на програмерите малку време да се подготват, но бидејќи многу од старите апликации веќе се напуштени, најверојатно тие ќе бидат целосно заборавени.