Truth Social требаше да биде големото враќање на Трамп во светот на социјалните медиуми, но се покажа дека тоа е само уште еден голем неуспех.

Во октомври 2021 година, поранешниот американски претседател Доналд Трамп триумфално објави дека планира да основа револуционерна технолошка компанија.

„Ја создадов Truth Social… за да се спротивставам на тиранијата на големите технолошки компании. Живееме во свет во кој талибанците се многу присутни на Твитер, но вашиот омилен американски претседател е замолчен“, рече Трамп.

Апликацијата Truth Social беше лансирана на Денот на претседателот, 21 февруари, но само шест недели подоцна, таа е полна со проблеми. Речиси 1,5 милиони луѓе кои ја преземале оваа апликација не можат ни да ја користат.

Truth Social е многу сличен на Twitter, платформата што го протера Трамп откако неговите поддржувачи ја нападнаа зградата на Капитол во Вашингтон.

Twitter верува дека лажните тврдења на Доналд Трамп дека изборите биле „украдени“ го поттикнале насилството што следело во Капитол. Затоа Трамп заработи доживотна забрана за користење на Твитер на 8 јануари 2021 година.

Truth Social може да изгледа како Твитер, но не е достапен на телефоните со Android, веб-прелистувачите и, се разбира, на повеќето луѓе надвор од САД.

Тоа беше катастрофа, вели Џошуа Такер, директор на Центарот за социјални медиуми и политика на NYU.

Се чини дека никој не знае што се случува, рече републикански сојузник на Трамп, кој сакаше да остане анонимен.

На 21 февруари, Truth Social беше една од најсимнуваните апликации на App Store, но многумина што ја преземаа не можеа да ја користат.

Се претпоставуваше дека овој проблем ќе се реши брзо и дека Трамп ќе почне да ги објавува своите „вистини“ во наредните денови, но ништо од горенаведеното не се случи. На листата на чекање за регистрација на Truth Social моментално има 1.419.631 корисници.

Додека YouTube, TikTok, Instagram и Facebook се меѓу 10-те најсимнувани апликации, според Similar Web, Truth Social е дури и надвор од топ 100.

Корисниците кои ќе најдат начин да ја користат оваа апликација, откриваат дека таа е доста празна во однос на содржината, бидејќи многу големи гласови од американската десница досега не ја користеле оваа апликација.

Според една студија, преземањата на Truth Social во меѓувреме паднале за дури 95 проценти. Многу корисници се чувствуваат фрустрирани.

Извршниот директор на Truth Social, Девин Нунес, рече дека целта на апликацијата е да биде целосно оперативна до крајот на март. Но, експертите останаа збунети од фактот дека оваа апликација има толку многу проблеми.

Некои укажаа на партнерството на Truth Social со Rumble, платформа за споделување видеа што донекаде личи на YouTube. Популарен меѓу конзервативците и екстремната десница, Rumble требаше да обезбеди клучен столб за инфраструктурата на Truth Social.

Но, ако Truth Social има проблеми со серверот, зошто требаше толку долго да се поправи?

Поправките треба да траат неколку недели, а не шест недели. Отпрвин секогаш ќе има проблеми, но во овој момент мислам дека тоа ќе биде решено. Се чини дека никој не разбира зошто не е, рече републикански извор близок до Трамп.

Трамп наводно е бесен и прашува зошто повеќе луѓе не го користат Truth Social. Трамп има околу 750.000 следбеници на таа платформа, но тој не ја објави „вистината“ повеќе од еден месец.

Извор: BBC News