Во Белгија почна изградбата на најголемиот систем за складирање батерии (BESS) со капацитет од 25 MW / 100 MWh.

Системот за складирање на енергија на база на литиум-јонски батерии на Nala Renewables ќе стане оперативен во Бален во регионот Фландрија во Белгија до крајот на 2022 година, во оквирот на топилницата за цинк на Nystar.

Nala Renewables е заедничко вложување помеѓу трговецот со стоки Trafigura и IFM Investors. Во проектот „Бален“ ќе бидат инвестирани 30 милиони евра, а еден милион евра од фондот за стратешка поддршка за заштита на животната средина ќе инвестира и локалната фламанска влада.

„Меѓународната енергетска криза и рускиот напад врз соседна Украина ни покажаа појасно од кога било дека се потребни големи инвестиции во локалното производство на чиста енергија со цел да се намали зависноста од странски земји. За жал, обновливата енергија не е секогаш при рака, така што складирање на енергија е неопходно“, изјави Зухал Демир, фламански министер за енергетика и животна средина.

Проектот Бален ќе придонесе за балансирање и стабилност на електро-енергетската мрежа, покрај тоа што ќе ја насочи произведената обновлива енергија во периоди кога побарувачката е најголема. Неодамна, системот победи на аукцијата за резервен капацитет организирана од мрежниот оператор ЕЛИА, како еден од четирите проекти на БЕСС кои добиваат договори.

Тоа е најголемиот проект за складирање батерии кој моментално се развива во Белгија, заедно со проект во Руиен кој се развива како заедничко вложување помеѓу Јапонија и Белгија.

Nala Renewables има за цел да развие вкупно проекти за обновлива енергија од 4 GW, кои би биле во функција, во изградба или во подоцнежни фази на развој до 2025 година. Целта е двојно зголемена во однос на минатата година.

Nyrstar е подружница на Trafigura, а компаниите рекоа дека Nala Renewables ќе гради и ќе управува со проекти во близина на рударски инфраструктурни проекти, проекти во пристаништата и топилниците во Trafigura.

Проектите за батериско складирање на енергија во Белгија се развиваат побрзо отколку во другите делови на Европа благодарение на пазарните правила кои се поповолни за складирање. Пазарот е стимулативен за развој на складирање на енергија, поради недостатокот на мрежна флексибилност и слабата поврзаност со другите пазари.

Извор: Bizlife.rs